भारत लवकरच स्वतःचं ChatGPT लाँच करणार

Story by  Awaz Marathi | Published by  Chhaya Kavire • 1 Years ago
केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव
केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव

 

केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी ChatGPT प्रमाणेच कृत्रिम बुद्धिमत्ता (AI) चॅटबॉटच्या भारतीय आवृत्तीबाबत लवकरच मोठी घोषणा करण्याचे संकेत दिले.

“काही आठवडे थांबा, एक मोठी घोषणा होईल,” असे वैष्णव इंडिया ग्लोबल फोरमच्या वार्षिक शिखर परिषदेदरम्यान बोलताना म्हणाले. २०३० पर्यंत जागतिक चॅटबॉट मार्केट ३.९९ अब्ज डॉलर्सपर्यंत पोहोचेल असा अंदाज आहे, ज्यामध्ये OpenAI, Google आणि Snapchat सारख्या टेक दिग्गजांनी आधीच त्यांचे चॅटबॉट्स लॉन्च केले आहेत आणि आणखी प्लॅटफॉर्म त्यांच्या स्वत:चे चॅटबॉट्स बाजारात आणण्याची योजना आखत आहेत.

वैष्णव यांनी भारतातील स्टार्टअप्सबद्दलही चर्चा केली. ते म्हणाले की, सिलिकॉन व्हॅली बँक कोसळल्यामुळे एकाही स्टार्टअपवर परिणाम झाला नाही, कारण सरकारने त्यांना मदत करण्यासाठी त्वरित कारवाई केली आहे.