मुंबई
बॉलीवूड अभिनेता सैफ अली खान अखेर सोशल मीडिया प्लॅटफॉर्म इन्स्टाग्रामवर दाखल झाला आहे. इन्स्टाग्रामवर खाते उघडल्यानंतर त्याने शेअर केलेल्या पहिल्या फोटोवर त्याचा मुलगा इब्राहिम अली खान याने घेतलेली फिरकी आणि दोघांमधील मजेशीर संवाद सध्या सोशल मीडियावर चांगलाच चर्चेत आला आहे.
सैफ अली खानने नुकतीच त्याच्या घरातील लायब्ररीमधील काही छायाचित्रे शेअर करत इन्स्टाग्रामवर अधिकृत पदार्पण केले आहे. वडिलांना सोशल मीडियावर पाहून चकित झालेल्या इब्राहिमने त्यावर कमेंट करत विचारले, "इज धिस यू, अब्बा, नो ना?" (हे तुम्हीच आहात ना अब्बा, नाही ना?)
यावर प्रत्युत्तर देताना सैफने इब्राहिमचा २००८ मधील एक जुना बालपणीचा फोटो शेअर करत विचारले की, चित्रातील हा लहान मुलगा माझा मुलगा आहे का? यावर इब्राहिमने अगदी मिश्कीलपणे उत्तर देत म्हटले, "आय गेस सो" (मला तसेच वाटते). त्यानंतर सैफने "ए पिक्चर स्पीक्स अ १००० वर्ड्स! 'अलो सन!" असे लिहीत ही मजेशीर जुगलबंदी पुढे चालू ठेवली.
सैफच्या या इन्स्टाग्राम डेब्यूला चाहत्यांचा संमिश्र आणि उत्साही प्रतिसाद मिळाला असून काही तासांतच त्याला अडीच लाखांहून अधिक फॉलोअर्स मिळाले आहेत. विशेष म्हणजे, सैफ सध्या इन्स्टाग्रामवर फक्त पाच जणांना फॉलो करत आहे, ज्यामध्ये इब्राहिम अली खान, पत्नी करीना कपूर खान, बहीण सोहा अली खान, मुलगी सारा अली खान आणि करिश्मा कपूर यांचा समावेश आहे. यापूर्वी सप्टेंबर २०२४ मध्ये सोशल मीडियाच्या व्यसनाधीनतेबद्दल आणि नकारात्मकतेबद्दल बोलताना सैफने यापासून लांब राहणेच पसंत केले होते, मात्र आता त्याचा हा सोशल मीडिया प्रवेश चाहत्यांसाठी कौतुकाचा विषय ठरला आहे.
.jpeg)
