मुंबई
राज्यातील ९२ लाख शेतकऱ्यांना पीएम किसान सन्मान निधीला जोडून राज्य सरकारकडून दिल्या जाणाऱ्या नमो शेतकरी महासन्मान निधी योजनेच्या पैशांची प्रतीक्षा लागली आहे. यंदाच्या दुष्काळजन्य परिस्थितीच्या पार्श्वभूमीवर शेतकऱ्यांना ५ हजार रुपयांची दुष्काळी मदत आणि नमो योजनेचे रखडलेले दोन हप्ते मिळतील का, असा सवाल उपस्थित होत आहे.
राज्य सरकारने प्रधानमंत्री शेतकरी सन्मान निधी योजनेच्या धर्तीवर राज्यात 'नमो शेतकरी महासन्मान निधी योजना' सुरू केली आहे. याद्वारे पात्र शेतकऱ्यांना दरवर्षी ६ हजार रुपये दिले जातात. मात्र, सध्या या योजनेचे नववा आणि दहावा असे दोन हप्ते (प्रत्येकी २००० रुपयांप्रमाणे एकूण ४ हजार रुपये) रखडले आहेत. अनेक महिन्यांपासून शेतकरी या हप्त्यांच्या प्रतीक्षेत आहेत.
राज्यात पावसाने दिलेल्या दीर्घ खंडामुळे आणि अवर्षणामुळे अनेक जिल्ह्यांमध्ये दुष्काळसदृश परिस्थिती निर्माण झाली आहे. या पार्श्वभूमीवर राज्य सरकारने शेतकऱ्यांसाठी ५ हजार रुपयांची विशेष मदत जाहीर केली आहे. आता ही ५ हजार रुपयांची दुष्काळी मदत आणि नमो शेतकरी योजनेचे रखडलेले ४ हजार रुपये शेतकऱ्यांच्या बँक खातात एकत्र जमा होणार का, याबद्दल शेतकऱ्यांमध्ये उत्सुकता आहे. शासन स्तरावर या दोन्ही योजनांच्या निधी वितरणाबाबत हालचाली सुरू आहेत.
.jpeg)
