नीता अंबानी आणि मुकेश अंबानी यांनी आपल्या कुटुंबासह जॉर्डनच्या राणी रानिया अल अब्दुल्ला यांच्यासाठी आपल्या निवासस्थानी एका खास दुपारच्या मेजवानीचे आयोजन केले होते. या विशेष प्रसंगी राणी रानिया यांच्यासह अंबानी कुटुंबातील महिलांनी अत्याधुनिक स्कर्ट पेहरावांची निवड केली होती.
आधुनिक राजेशाही थाट या पेहरावातून ओसंडून वाहत होता. दुसरीकडे नीता अंबानी यांनी मात्र साडीबद्दलचे आपले प्रेम कायम राखले. पांढऱ्या शुभ्र सहावारी साडीमध्ये त्या अतिशय देखण्या दिसत होत्या. भारतीय संस्कृती आणि अभिजातपणाचे त्या उत्तम उदाहरण ठरल्या. चला तर मग, त्यांच्या या पेहरावाचा आढावा घेऊया.
राणी रानिया अल अब्दुल्ला यांचा पेहराव
किंग अब्दुल्ला द्वितीय यांच्या पत्नी राणी रानिया आपल्या सुसंस्कृत फॅशन निवडीसाठी जगभरात ओळखल्या जातात. या कार्यक्रमासाठी त्यांनी शुभ्र पांढऱ्या रंगाच्या 'टॉप'ची निवड केली होती. कमरेपाशी गडद हिरव्या रंगाचा मखमली पट्टा (सॅश) लावल्यामुळे त्यांचा लूक अधिक उठावदार दिसत होता. त्यांनी त्यावर गडद रंगाचा 'मिडी स्कर्ट' घातला होता.
या स्कर्टवर सोनेरी आणि कास्य रंगाच्या फुलांची नक्षी कोरलेली होती. स्कर्टच्या खालच्या बाजूला फिकट जांभळ्या रेशमी कापडाचा पदर दिसत होता, त्यामुळे गडद रंगाचा प्रभाव कमी होऊन पेहराव अधिक सौम्य दिसत होता. त्यांनी पायात धातूची चमक असलेले 'ओम्रे पंप्स' घातले होते.
नीता अंबानी यांचा पेहराव
नीता अंबानी यांचे साडीप्रेम सर्वश्रुत असून यावेळीही त्यांनी आपल्या आवडीलाच प्राधान्य दिले. त्यांनी हस्तिदंती पांढऱ्या रंगाची (आयव्हरी) सुंदर साडी परिधान केली होती. साडीवर संपूर्णपणे नाजूक फुलांची नक्षी होती. त्याला साजेसा असाच ब्लाउज त्यांनी घातला होता. नीता अंबानी यांचा लूक दागिन्यांशिवाय पूर्ण होत नाही. त्यांनी मोत्यांची माळ, हिऱ्यांचे ब्रेसलेट आणि कानातले घालून आपला थाट अधिकच वाढवला होता. त्यांच्या मेकअपमध्ये काजळ, लायनर, मस्करा आणि न्युड लिपस्टिकचा वापर अतिशय कलात्मकरीत्या केला होता. बाजूला भांग पाडून सोडलेले कुरळे केस आणि कपाळावरील लाल टिकली यामुळे त्यांचे सौंदर्य अधिकच खुलून दिसत होते.
राधिका मर्चंट
अंबानी कुटुंबाची छोटी सून राधिका मर्चंट हिने पांढऱ्या रंगाचा साटीनचा पेहराव केला होता. तिने घातलेल्या टॉपला खांद्यापाशी विशेष आकार दिलेला होता. गुडघ्यापर्यंतच्या स्कर्टसह तिने न्युड रंगाचे पंप्स आणि हिऱ्यांचे कानातले घातले होते. साध्या पण प्रभावी मेकअपमध्ये ती अतिशय देखणी दिसत होती.
ईशा अंबानी
ईशा अंबानीने राखाडी रंगाची पानांची नक्षी असलेल्या पांढऱ्या रंगाच्या पेहरावाची निवड केली होती. तिचा 'पेपलम स्टाईल टॉप' आणि घेरदार लांब स्कर्ट तिला अतिशय शोभून दिसत होता. तिने पांढऱ्या हिल्स आणि हिऱ्यांच्या कानातल्यांसह आपला लूक पूर्ण केला.
श्लोका मेहता
मोठी सून श्लोका मेहता निळ्या रंगाच्या पेहरावात अतिशय आकर्षक दिसत होती. तिने निळ्या रंगाचा पूर्ण बाह्यांचा शर्ट आणि त्याखाली घेरदार स्कर्ट घातला होता. शर्टच्या गळ्यापाशी 'बो' (Bow) बांधलेला होता. अगदी कमी मेकअप आणि निळ्या रंगाच्या सँडलमध्ये ती अतिशय साधी आणि सुंदर दिसत होती.
.jpeg)
