नवी दिल्ली 

इराणच्या सर्वोच्च राष्ट्रीय सुरक्षा परिषदेचे सचिव मोहसेन रेझाई यांनी सोमवारी भारताचे राष्ट्रीय सुरक्षा सल्लागार (NSA) अजित डोवाल यांच्याशी फोनवरून महत्त्वपूर्ण संवाद साधला. पश्चिम आशियातील बिघडलेली सुरक्षा परिस्थिती आणि द्विपक्षीय हिडीच्या मुद्द्यांवर या चर्चेत सविस्तर विचारविनिमय करण्यात आला.

रियाधमधील हल्ले आणि सागरी सुरक्षेवर चर्चा

इराणच्या दूतावासाने सोशल मीडियावरील पोस्टमध्ये स्पष्ट केले की, रेझाई आणि डोवाल यांनी ताज्या प्रादेशिक व आंतरराष्ट्रीय घडामोडींवर मते मांडली. सौदी अरेबियाची राजधानी रियाध येथील आंतरराष्ट्रीय विमानतळावर झालेल्या भीषण हल्ल्यात १२ लोकांचा मृत्यू झाला असून त्यात एका भारतीयाचाही समावेश आहे. या पार्श्वभूमीवर भारताने नागरिकांवर आणि नागरी पायाभूत सुविधांवर होणाऱ्या वारंवार होणाऱ्या हल्ल्यांचा तीव्र निषेध केला आहे.

याशिवाय, ओमानच्या आखातात आणि हारमुझच्या सामुद्रधुनीमध्ये व्यापारी जहाजांवर होत असलेल्या हल्ल्यांचा मुद्दाही या बैठकीत प्रामुख्याने चर्चिला गेल्याचे समजते. 'एमटी पेट्रो डॉल्फिन' या व्यापारी जहाजावर झालेल्या हल्ल्यात दोन भारतीय खलाशी बेपत्ता झाले आहेत, तर दुसऱ्या जहाजावरील सर्व खलाशी सुरक्षित असल्याचे परराष्ट्र मंत्रालयाने (MEA) स्पष्ट केले आहे. पश्चिम आशियातील संकट संवाद आणि मुत्सद्देगिरीच्या मार्गाने सोडवावे, अशी भारताची भूमिका राहिली आहे.