दोन हजारांच्या नोटा बदलण्यासाठी फक्त तीन दिवस शिल्लक

Story by आवाज़ मराठी | Published by Chhaya Kavire • 1 Years ago

आरबीआयचे गव्हर्नर शक्तिकांत दास

तुमच्याकडे २,००० रुपयांच्या नोटा असतील तर ही बातमी तुमच्यासाठी महत्त्वाची आहे. २,००० रुपयांच्या नोटा जमा करणे किंवा बदलणे यासाठी शेवटचे ४ दिवस राहिले आहेत. आरबीआयने १९ मे रोजी २,००० रुपयांच्या नोटा चलनातून बाद करण्याची घोषणा केली होती.

आता या नोटा जमा करण्यासाठी किंवा बदलण्यासाठी फक्त ४ दिवस उरले आहेत. जर तुम्ही २,००० रुपयांच्या नोटा बँकेत जमा केल्या नसतील तर हे काम ३० सप्टेंबरपूर्वी पूर्ण करा.

केवळ ७% नोटा शिल्लक आहेत

आरबीआयच्या मते, ३१ ऑगस्ट २०२३ पर्यंत चलनात परत आलेल्या २,००० रुपयांच्या नोटांचे एकूण मूल्य ३.३२ लाख कोटी रुपये आहे. २,००० रुपयांच्या ९३% नोटा बँकांमध्ये परत आल्या आहेत, म्हणजे फक्त ७% नोटा परत आल्या नाहीत.

३० सप्टेंबरची मुदत चुकल्यास काय होणार?

३० सप्टेंबरनंतर लोक बँकांमध्ये २,००० रुपयांच्या नोटा बदलू शकणार नाहीत. मात्र, आरबीआय कार्यालयात नोटा बदलल्या जाऊ शकतात. आरबीआयच्या १९ क्षेत्रीय कार्यालयांना भेट देऊन या नोटा बदलल्या जाऊ शकतात.

पण या नोटा बदलण्यासाठी फक्त परदेशी नागरिकांना परवानगी असू शकते. आरबीआय नोटा जमा करण्यासाठी किंवा बदलण्यासाठी मुदतही वाढू शकते, असे वृत्त Bloomberg Quint ने दिले आहे.

२,००० रुपयांची नोट नोव्हेंबर २०१६ मध्ये नोटाबंदीनंतर चलनात आली होती. पंतप्रधान नरेंद्र मोदी यांनी ५०० आणि १,००० रुपयांच्या नोटा चलनातून बंद करण्याची घोषणा केली होती. पण मे महिन्यात आरबीआयने २,००० रुपयांच्या नोटा चलनातून काढून टाकण्याची घोषणा केली होती. ज्या उद्देशाने ती आणली होती ती पूर्ण झाल्याचे बँकेने म्हटले होते.

२,००० च्या नोटा कशा बदलायच्या?

लोक त्यांच्या बँकेत जाऊन २,००० रुपयांच्या नोटा जमा किंवा बदलू शकतात. एका दिवसात फक्त १० नोटा किंवा २०,००० रुपयांच्या नोटा बदलता येतील. २३ मे पासून देशातील सर्व बँकांमध्ये ही सुविधा सुरू झाली.

२,००० रुपयांच्या नोटा तुमच्या बँक खात्यात जमा करण्यासाठी केवायसी नियम आणि इतर कायदेशीर प्रक्रिया करणे गरजेचे आहे. तसेच हे नियम प्रत्येक बँकेनुसार वेगळे आहेत.