नवी दिल्ली
भारतीय सैन्य दिनानिमित्त (Army Day) आज, गुरुवारी (१५ जानेवारी २०२६) पंतप्रधान नरेंद्र मोदी आणि राष्ट्रपती द्रौपदी मुर्मू यांनी देशाच्या शूर जवानांना, माजी सैनिकांना आणि त्यांच्या कुटुंबीयांना शुभेच्छा दिल्या. भारतीय लष्कर हे नि:स्वार्थ सेवेचे प्रतीक असून अत्यंत कठीण परिस्थितीतही ते देशाचे रक्षण करत असल्याचे पंतप्रधानांनी यावेळी नमूद केले.
पंतप्रधान नरेंद्र मोदी यांनी सोशल मीडियाद्वारे जवानांच्या धैर्याचे आणि कर्तव्याप्रती असलेल्या निष्ठेचे कौतुक केले. ते म्हणाले, "आमचे सैनिक नि:स्वार्थ सेवेचे प्रतीक आहेत. अत्यंत आव्हानात्मक परिस्थितीतही ते अढळ संकल्पाने देशाचे रक्षण करत असतात. त्यांची कर्तव्यभावना संपूर्ण देशात विश्वास आणि कृतज्ञता निर्माण करते." ज्या सैनिकांनी देशसेवेसाठी आपल्या प्राणांची आहुती दिली, त्यांचे स्मरण करत संपूर्ण देश त्यांच्या धैर्याला सलाम करत असल्याचेही त्यांनी सांगितले.
राष्ट्रपती द्रौपदी मुर्मू यांनी देखील भारतीय लष्कराच्या 'नेशन फर्स्ट' (राष्ट्र प्रथम) या भावनेचा गौरव केला. त्यांनी म्हटले की, "भारतीय लष्कर आपल्या देशाची एकता, सार्वभौमत्व आणि अखंडता जपण्यासाठी सदैव तत्पर आहे. आमचे जवान केवळ सीमांचे रक्षणच करत नाहीत, तर नैसर्गिक आपत्ती आणि मानवी संकटांच्या काळातही मोलाची मदत करतात. तुमची अढळ देशप्रेम ही भावना प्रत्येक भारतीयाला प्रेरणा देते."
सैन्य दिनाचे ऐतिहासिक महत्त्व:
भारतात दरवर्षी १५ जानेवारी हा दिवस 'भारतीय सैन्य दिन' म्हणून साजरा केला जातो. १५ जानेवारी १९४९ रोजी फील्ड मार्शल के. एम. करिअप्पा यांनी शेवटचे ब्रिटीश कमांडर-इन-चीफ जनरल सर एफ. आर. आर. बुचर यांच्याकडून भारतीय लष्कराची सूत्रे स्वीकारली होती. भारतीय लष्कराचे पहिले भारतीय कमांडर-इन-चीफ म्हणून त्यांनी कार्यभार स्वीकारला, त्या ऐतिहासिक घटनेच्या स्मरणार्थ हा दिवस साजरा केला जातो.
.jpg "प्रातिनिधिक चित्र")
.jpg "आंदोलकांच्या मृतदेहांचा खच")
.jpg "काश्मीरचे मुख्यमंत्री ओमर अब्दुल्ला")
.jpg "इराणवरील एरसस्पेस रिकामी")
.jpg "दिग्गज रिंगणात")
