दरवर्षी जगभरातील हजारो मुस्लीम हज यात्रेसाठी सौदी अरेबियातील मक्केला जातात. याच पवित्र हज यात्रेसाठी जाणाऱ्या लिबियातील अमीर अल महदी मंसूर अल गद्दाफी यांच्यासोबत घडलेल्या एका प्रसंगाने सोशल मीडियावर प्रचंड लक्ष वेधले. सुरक्षा तपासणीदरम्यान त्यांना एका विचित्र परिस्थितीला सामोरे जावे लागले.
अमीर यांना विमानतळावर सुरक्षा कारणांमुळे अडवले गेले, तरीही हज यात्रेचा त्यांचा निर्धार ढळला नाही. एकामागून एक विमानाच्या तांत्रिक अडचणी आल्या. परंतु त्यांनी कधीही हार मानली नाही. या संघर्षमय प्रवासाचे फोटो आणि व्हिडिओ सोशल मीडियावर व्हायरल झाले. अमीर यांचा विश्वास आणि दृढनिश्चय यांची प्रेरणादायी कहाणी यातून दिसते.
मक्का येथे हज तीर्थयात्रेसाठी लिबियातील अमीर यांचा प्रवास इच्छाशक्ती आणि आध्यात्मिक बांधिलकीने भरलेला आहे. अमीर अल महदी मंसूर अल गद्दाफी यांच्यासाठी हजसाठी निघालेला हा सामान्य प्रवास सुरक्षा तपासणीच्या कारणाने अडकला. विमानतळावरच्या सुरक्षा यंत्रणेत त्यांचे आडनाव 'अल गद्दाफी' असे नोंदले गेले होते. त्यामुळे त्यांना काउंटरवर थांबवले गेले. “आम्ही तुमच्यासाठी हा प्रश्न सोडवण्याचा प्रयत्न करू, पण थोडा वेळ थांबावे लागेल,” असे त्यांना विमानतळावर सांगण्यात आले.
त्यांचे साथीदार विमानात चढले, तरीही अमीर यांना काउंटरवर थांबवले गेले. गल्फ न्यूजच्या वृत्तानुसार, सुरक्षा समस्येचे निराकरण झाल्यानंतरही वैमानिकाने त्यांच्यासाठी दरवाजा उघडण्यास नकार दिला. त्यानंतर त्यांच्याशिवाय विमान उड्डाण करायचे ठरले.
सुरक्षा अधिकाऱ्यांनी त्यांना समजावण्याचा प्रयत्न केला. पण अमीर यांनी विमानतळ सोडण्यास नकार दिला. “मी हज करण्याचा निश्चय केला आहे आणि मी जाणारच,” असे त्यांनी ठामपणे सांगितले.
विमान उड्डाणानंतर लगेचच तांत्रिक बिघाड झाला. विमान परत आले. किरकोळ दुरुस्ती केली गेली. पण त्यानंतरही वैमानिकाने दरवाजा उघडण्यास नकार दिला. दुसऱ्यांदा विमानाने उड्डाण केले. परंतु पुन्हा दुसरी अडचण आली आणि विमानाला परत उतरावे लागले.
प्रवासी आणि चालक दलानुसार, दुसऱ्या उतरणीनंतर कॅप्टन म्हणाला, “मी शपथ घेतो, जोपर्यंत अमीर आमच्यासोबत विमानात नाही, तोपर्यंत मी पुन्हा उड्डाण करणार नाही.” दरम्यान, अधिकाऱ्यांनी अमीर यांच्या प्रवासाचा मार्ग मोकळा केला. तिसऱ्या प्रयत्नात त्या विमानाने यशस्वीरीत्या उड्डाण केले.
या घटनेबद्दल बोलताना अमीर म्हणाले, “मला फक्त हजला जायचे होते. मला विश्वास होता, जर हे माझ्या नशिबात असेल, तर कोणतीही शक्ती मला थांबवू शकणार नाही.” या घटनेनंतर अमीर यांचा विमानाच्या चालक दलासोबतचा फोटो सोशल मीडियावर व्हायरल झाला आहे.
.jpg "अमीर अल महदी मंसूर अल गद्दाफी")
.jpg "फैजान झकी")
.jpg "पहलगाम हल्ल्यातील शहीद शुभम द्विवेदी यांच्या कुटुंबियांसोबत पंतप्रधान मोदी")
.jpg "नहदलातुल उलमा कार्यकारी मंडळासोबत भारताचे सर्वपक्षीय शिष्टमंडळ")
.jpg "प्रातिनिधिक चित्र")
