मुंबई 

महाराष्ट्र अन्न आणि औषध प्रशासन (FDA) विभागाचे आयुक्त तुकाराम मुंडे यांनी आपली कोणतीही बदली झाली नसल्याचे स्पष्ट केले आहे. त्यांच्या বদलीबाबत सोशल मीडियावर आणि राजकीय वर्तुळात सुरू असलेल्या चर्चांना पूर्णविराम देत, असुरक्षित अन्न आणि निकृष्ट औषधांविरुद्धची कारवाई अशीच सुरू राहणार असल्याचे त्यांनी स्पष्ट केले आहे.

MPSC चौकशी समितीवर नियुक्तीनंतर पसरल्या होत्या चर्चा

महाराष्ट्र लोकसेवा आयोगाच्या (MPSC) परीक्षांमधील कथित पेपर लीक आणि अनियमितता प्रकरणांची चौकशी करण्यासाठी राज्य सरकारने रविवारी ५ सदस्यीय उच्चस्तरीय चौकशी समिती स्थापन केली असून, यामध्ये ज्येष्ठ IAS अधिकारी तुकाराम मुंडे यांची सचिव म्हणून नियुक्ती करण्यात आली आहे. या घडामोडीनंतर मुंडे यांच्या बदलीबाबत विविध तर्क-वितर्क लढवले जात होते.

या सर्व चर्चा फेटाळून लावत तुकाराम मुंडे यांनी सोमवारी रात्री 'एक्स' (X) वर पोस्ट करत म्हटले की, "नाही, माझी FDA मधून कोणतीही बदली झालेली नाही. मी महाराष्ट्र FDA चा आयुक्त म्हणून सेवा बजावत आहे. असुरक्षित, निकृष्ट, भेसळयुक्त अन्न आणि बनावट, निकृष्ट औषधांविरुद्धची आमची लढाई अशीच अविरत सुरू राहील." त्यांच्या या स्पष्टीकरणामुळे सर्व अफवांना पूर्णविराम मिळाला आहे.