पाकिस्तानातील शांतता चर्चा निष्फळ ठरल्यानंतर इराणने पुन्हा वाटाघाटीसाठी अमेरिकेकडे यावे किंवा नाही, याने आपल्याला काहीच फरक पडत नाही, असे अध्यक्ष डोनाल्ड ट्रम्प यांनी रविवारी (१२ एप्रिल) स्पष्ट केले.
अमेरिकन सैन्याने दिलेल्या माहितीनुसार, सोमवार (१३ एप्रिल) रोजी जीएमटी वेळ दुपारी २:०० (भारतीय प्रमाणवेळ संध्याकाळी ७:३०) वाजता इराणच्या आखातातील सर्व बंदरांवर नाकेबंदी केली जाईल. जगातील तेल पुरवठ्यापैकी पाचवा हिस्सा ज्या मार्गावरून जातो, त्या महत्त्वाच्या होर्मुझच्या सामुद्रधुनीतील सागरी वाहतुकीवर अमेरिका या निर्णयामुळे आपले नियंत्रण मिळवणार आहे.
"इराणची बंदरे आणि किनारपट्टी भागांत येणाऱ्या किंवा तिथून बाहेर जाणाऱ्या सर्व देशांच्या जहाजांविरुद्ध ही नाकेबंदी निःपक्षपातीपणे लागू केली जाईल. यात अरबी आखात आणि ओमानच्या आखातातील सर्व इराणी बंदरांचा समावेश असेल," असे अमेरिकन सेंट्रल कमांडने एक्सवरील पोस्टमध्ये म्हटले आहे. इराण सोडून इतर देशांच्या बंदरांकडे जाणाऱ्या जहाजांच्या वाहतुकीत अमेरिका कोणताही अडथळा आणणार नाही, असेही त्यांनी स्पष्ट केले.
अमेरिकेने यापूर्वी दिलेल्या नाकेबंदीच्या धमकीपुढे इराण झुकणार नाही, असे पाकिस्तानातील शांतता चर्चेचे नेतृत्व करणाऱ्या इराणच्या संसद सभापतींनी ठामपणे सांगितले आहे.
अमेरिकन नौदल नाकेबंदीच्या तयारीत असतानाच सोमवारी कच्च्या तेलाच्या किमती प्रति बॅरल १०० डॉलरच्या वर गेल्या आहेत. ब्रेंट क्रूड फ्युचर्स ७.६० डॉलर म्हणजेच ७.९८ टक्क्यांनी वधारून १०२.८० डॉलर प्रति बॅरलवर पोहोचले आहेत.
.webp "शहजादा हुसेन बुरहानुद्दीन")
_(1).jpg "डॉ. फरीदा रहमतुल्ला")
.jpeg)
