केंद्रीय माध्यमिक शिक्षण मंडळाने (CBSE) २०२६ च्या इयत्ता १२ वीच्या निकालानंतर विद्यार्थी, पालक आणि शाळांसाठी सुरू असलेली टेलि-काऊन्सेलिंग आणि मदत सेवा पुढे वाढवण्याचा निर्णय घेतला आहे. निकाल, मूल्यमापन आणि निकालापुढील प्रश्नांबाबत योग्य मार्गदर्शन करण्यासाठी ही सुविधा उपलब्ध असेल.
सोशल मीडिया प्लॅटफॉर्म 'एक्स' (X) वर एका पोस्टद्वारे सीबीएसईने माहिती दिली की, विद्यार्थी आणि पालक निकालाशी संबंधित शंका आणि मदतीसाठी मंडळाच्या अधिकृत माध्यमांद्वारे संपर्क साधू शकतात. विद्यार्थ्यांना संवेदनशीलतेने आणि काळजीपूर्वक मदत करण्यासाठी मंडळ पूर्णपणे कटिबद्ध असल्याचे सीबीएसईने स्पष्ट केले.
विद्यार्थ्यांसाठी डिजिटल मूल्यांकन आणि मदतीचा हात
सीबीएसईने १३ मे रोजी इयत्ता १२ वीचा निकाल जाहीर केला होता, ज्यामध्ये ८५ टक्क्यांहून अधिक विद्यार्थी उत्तीर्ण झाले आहेत. गेल्या वर्षाच्या तुलनेत यंदा एकूण उत्तीर्णतेचे प्रमाण ३ टक्क्यांनी घसरल्याचे आकडेवारीवरून समोर आले आहे.
यंदा प्रथमच सीबीएसईने इयत्ता १२ वीच्या उत्तरपत्रिकांचे 'ऑन स्क्रीन मार्किंग' (OSM) द्वारे पूर्ण क्षमतेने डिजिटल मूल्यांकन केले आहे. या नव्या तंत्रज्ञानाअंतर्गत देशभरातील सुमारे ७० हजार परीक्षकांनी तब्बल ९८,६६,६२२ उत्तरपत्रिका ऑनलाइन तपासल्या आहेत.
.jpg "इस्लामिक सुधारणावादी चळवळीचे महाराष्ट्र राज्याचे आमीर (प्रमुख) हाफिज मंजूर")
.jpeg)
