नवी दिल्ली

भारताचे परराष्ट्र मंत्री एस. जयशंकर यांनी मंगळवारी आयर्लंडच्या परराष्ट्र मंत्री हेलेन मॅकएंटी यांच्याशी दूरध्वनीवरून संवाद साधला. या चर्चेदरम्यान, आयर्लंडने युरोपियन युनियन परिषदेचे अध्यक्षपद स्वीकारल्याबद्दल जयशंकर यांनी त्यांना शुभेच्छा दिल्या.

सहकार्य वाढवण्यावर भर

परराष्ट्र मंत्र्यांनी भारत आणि आयर्लंड यांच्यातील द्विपक्षीय संबंध अधिक दृढ करण्याच्या मार्गांवर चर्चा केली. यामध्ये प्रामुख्याने व्यापार आणि शिक्षण क्षेत्रातील सहकार्य वाढवण्यावर दोन्ही नेत्यांनी भर दिला आहे. जयशंकर यांनी 'एक्स' (पूर्वीचे ट्विटर) वर माहिती देताना सांगितले की, बहुपक्षीय क्षेत्रात दोन्ही देश आपली भागीदारी पुढे नेण्यास उत्सुक आहेत.

युरोपियन युनियनच्या निर्णय प्रक्रियेत महत्त्वाची भूमिका बजावणाऱ्या परिषदेचे अध्यक्षपद आयर्लंडकडे १ जुलै ते ३१ डिसेंबर २०२६ या कालावधीसाठी असणार आहे. या काळात दोन्ही देशांमधील संबंधांना एक नवीन दिशा मिळण्याची शक्यता आहे.