हवामान विभागाने दिलेल्या माहितीनुसार, बंगालच्या उपसागरातून येणाऱ्या आर्द्रतेमुळे दक्षिण मध्य महाराष्ट्र आणि मराठवाड्यातील काही भागांत ढगाळ वातावरण निर्माण झाले आहे. यामुळे राज्यातील काही जिल्ह्यांमध्ये मेघगर्जनेसह पावसाची हजेरी लागेल. पुण्यातही दुपारनंतर ढगाळ वातावरण राहून हलक्या ते मध्यम स्वरूपाच्या पावसाचा अंदाज वर्तवण्यात आला आहे.
गेल्या काही दिवसांपासून महाराष्ट्रातील अनेक भागांत तापमानाचा पारा ४० अंशांच्या पुढे गेला होता. मात्र, मान्सूनपूर्व पावसाच्या हजेरीमुळे उष्णतेची लाट ओसरण्यास मदत होणार आहे. 'एल निनो'चा प्रभाव हळूहळू कमी होत असून, वाऱ्यांच्या बदलत्या दिशेमुळे राज्यात पावसासाठी पोषक वातावरण तयार होत आहे. शेतकऱ्यांनी पावसाचा अंदाज घेऊन पिकांची काढणी आणि साठवणूक करण्याचे आवाहन प्रशासनाकडून करण्यात आले आहे.
.jpeg)
