आंतरराष्ट्रीय बिग कॅट अलायन्स (IBCA) चे महासंचालक SP यादव यांना बंगाल वाघांच्या संख्येत उल्लेखनीय वाढ केल्याबद्दल प्रतिष्ठित क्रिस्टल्स आवाज पुरस्कार मिळाला आहे. रशियन जिओग्राफिकल सोसायटीने २०१२ मध्ये स्थापन केलेला हा पुरस्कार, ज्याला ‘भौगोलिक ऑस्कर’ म्हणतात, भूगोल, पर्यावरण आणि नैसर्गिक-सांस्कृतिक वारसा संवर्धनातील उत्कृष्ट कार्यासाठी दिला जातो. २९ मे रोजी मॉस्को इंटरनॅशनल हाऊस ऑफ म्युझिक येथे यादव यांना हा सन्मान प्रदान करण्यात आला.
भारताने १९७३ मध्ये प्रोजेक्ट टायगर सुरू केला, जेव्हा बंगाल वाघ शिकार, अधिवास नष्ट होणे आणि मानव-वन्यजीव संघर्षामुळे नामशेष होण्याच्या उंबरठ्यावर होते. सुरुवातीला १८,२७८ चौरस किमी क्षेत्रातील नऊ व्याघ्र संरक्षित क्षेत्रांपासून सुरू झालेला हा प्रकल्प आता ८४,४८८ चौरस किमी क्षेत्रातील ५८ संरक्षित क्षेत्रांपर्यंत विस्तारला आहे. ऑल-इंडिया टायगर एस्टिमेशन २०२२ नुसार, भारतात किमान ३,६८२ वाघ आहेत, जे २०१८ मधील २,९६७ वरून ६% वार्षिक वाढ दर्शवतात. आज भारतात जगातील सर्वाधिक जंगली वाघ आहेत.
रशियन अकादमी ऑफ सायन्सेसचे वरिष्ठ शास्त्रज्ञ व्याचेस्लाव रोझनोव्ह यांनी पुरस्कार प्रदान करताना सांगितलं, “यादव यांनी बंगाल वाघांच्या संख्येत वाढ करण्यात आणि जागतिक स्तरावर वाघ संवर्धनाला प्रोत्साहन देण्यात महत्त्वाची भूमिका बजावली.” यादव म्हणाले, “हा पुरस्कार आमच्या सरकारच्या पाठिंब्याचं, सहकार्य करणाऱ्या संस्थांचं आणि या कार्यासाठी अथक परिश्रम करणाऱ्या हजारो लोकांचं यश आहे.”
प्रोजेक्ट टायगरच्या यशामागे सरकारचं सातत्यपूर्ण पाठबळ हा प्रमुख घटक असल्याचं यादव यांनी नमूद केलं. या प्रकल्पाने केवळ वाघांचं संवर्धनच केलं नाही, तर जैवविविधता आणि पर्यावरणीय संतुलन राखण्यातही मोलाची भूमिका बजावली. हा प्रकल्प जागतिक वन्यजीव संवर्धनासाठी एक आदर्श ठरला आहे.
IBCA चे नेतृत्व करताना यादव यांनी वाघ, सिंह, चित्ता, बिबट्या, हिम बिबट्या, प्यूमा आणि जॅग्वार या सात मोठ्या मांजर प्रजातींच्या संवर्धनासाठी ९७ देशांना एकत्र आणण्याचा प्रयत्न केला आहे. या पुरस्काराने भारताच्या वन्यजीव संवर्धनातील नेतृत्वाला जागतिक मान्यता मिळाली आहे.
'आवाज मराठी'वर प्रसिद्ध होणारे लेखन, व्हिडिओज आणि उपक्रम यांविषयीचे अपडेट्स मिळवण्यासाठी या लिंक्सवर क्लिक करा -
Awaz Marathi WhatsApp Group
Awaz Marathi Facebook Page
Awaz Marathi Twitter
.jpg "IBCA चे महासंचालक SP यादव")
.jpg "अराफातच्या मैदानात खुत्बा देतात काब्याचे प्रमुख शेख डॉ. सालेह बिन अब्दुल्लाह बिन हुमैद")
.jpg "उपमुख्यमंत्री अजित पवार यांना पत्र देताना आमदार रईस शेख.")
.jpg "पंतप्रधान नरेंद्र मोदींनी केले जगातील सर्वांत उंचावरील रेल्वे पुलाचे उद्घाटन")
.jpg "प्रातिनिधिक चित्र")
.jpg "लोकसभा अध्यक्ष ओम बिर्ला")
.jpg "हैदराबादमध्ये लागलेले ओवैसींचे पोस्टर")
.jpg "संभाजी महाराज")
.jpg "नझाकत अलीने वाचवले ११ पर्यटकांचे प्राण")
.jpg "कॅथोलिक ख्रिश्चन धर्माचे सर्वोच्च नेते आणि २६६वे पोप फ्रान्सिस")