नवी दिल्ली 

परराष्ट्र मंत्री एस. जयशंकर यांनी अमेरिकेतील अटलांटा येथे G20 परराष्ट्र मंत्र्यांच्या बैठकीच्या पार्श्वभूमीवर रशिया, पोलंड आणि दक्षिण कोरियाच्या परराष्ट्र मंत्र्यांशी स्वतंत्र द्विपक्षीय बैठका घेतल्या. या उच्चस्तरीय बैठकांमध्ये युक्रेन संघर्ष, पश्चिम आशियातील परिस्थिती, द्विपक्षीय संबंध आणि जागतिक मुद्द्यांवर सविस्तर चर्चा झाली.

युक्रेन संघर्ष आणि पश्चिम आशियातील स्थितीवर चर्चा

परराष्ट्र मंत्री एस. जयशंकर यांनी रशियाचे परराष्ट्र मंत्री सर्गेई लावरोव्ह यांची भेट घेऊन युक्रेन संघर्ष, आखाती देशांमधील परिस्थिती आणि बहुपक्षीय मुद्द्यांवर विचारविनिमय केला. तसेच पोलंडचे उपपंतप्रधान आणि परराष्ट्र मंत्री राडोस्लाव सिकोर्स्की यांच्याशी झालेल्या चर्चेत युक्रेन संकट, भारत-युरोपियन युनियन (EU) संबंध आणि G20 संदर्भातील सहकार्यावर भर देण्यात आला.

दक्षिण कोरियाशी द्विपक्षीय सहकार्य

याशिवाय जयशंकर यांनी दक्षिण कोरियाचे परराष्ट्र मंत्री चो ह्यून यांची भेट घेऊन द्विपक्षीय सहकार्य आणि G20 मधील सहभागाचा आढावा घेतला. दोन दिवसांच्या प्रदीर्घ बैठकांनंतर अमेरिकेचे परराष्ट्र सचिव मार्को रुबिओ यांनी सर्व G20 परराष्ट्र मंत्र्यांना अटलांटा येथील मर्सिडीज-बेंझ स्टेडियमवर अमेरिकन फुटबॉल सामना दाखवण्यासाठी आमंत्रित केले होते.