एसएएफएफ चॅम्पियनशिप फायनल: १ गोलने पिछाडीवर असताना भारताचे शानदार पुनरागमन, पाकिस्तान चितपट

Story by  आवाज़ मराठी | Published by  Mrudgandha Dixit • 5 h ago
भरत-पाकिस्तान सामन्यातील प्रेक्षक
भरत-पाकिस्तान सामन्यातील प्रेक्षक

 

ढाका

क्रीडा विश्वातून एक मोठी बातमी समोर येत असून, ढाका येथे पार पडलेल्या रोमांचक अंतिम सामन्यात भारताने पारंपरिक प्रतिस्पर्धी पाकिस्तानचा २-१ असा पराभव करत विक्रमी १० वे SAFF अजिंक्यपद आपल्या नावावर केले आहे. या विजयासह भारताने सलग तिसऱ्यांदा या किताबावर आपले वर्चस्व प्रस्थापित केले आहे.

उत्तरार्धात भारताचे शानदार पुनरागमन

पहिल्या हाफच्या अखेरच्या मिनिटाला (४५+१ व्या मि.) आलमगीर घाझी याने गोल करत पाकिस्तानला १-०० अशी आघाडी मिळवून दिली होती. सामन्याच्या पहिल्या अर्ध्या तासात पाकिस्तानचे वर्चस्व पाहायला मिळाले आणि त्यांनी अनेक आक्रमणे केली. मात्र, ५९ व्या मिनिटावर पाकिस्तानी खेळाडू जुनाद शाह याला रेड कार्ड मिळाल्याने पाकिस्तानचा संघ १० खेळाडूंवर आला. या संख्येच्या फायद्याचा पूर्ण लाभ उठवत भारताने सामन्याचे चित्र पालटले.

विजयी गोल आणि ऐतिहासिक किताब

सामन्याच्या ६० व्या मिनिटाला सुहेल अहमद भटने गोल करत भारताला १-१ अशा बरोबरीत आणले. यानंतर दोन्ही संघांमध्ये चुरशीची लढत पाहायला मिळाली. सामना संपायला अवघ्या दोन मिनिटे बाकी असताना, ८८ व्या मिनिटाला संदिप मंदी याने उत्कृष्ट हेडर गोल करत भारतासाठी २-१ अशी विजयी आघाडी घेतली. नौशाद मुसा यांच्या मार्गदर्शनाखाली युवा खेळाडूंनी भरलेल्या दुसऱ्या फळीच्या संघाने दाखवलेली जिद्द आणि सांघिक खेळाच्या बळावर भारताने हा ऐतिहासिक किताब मिळवला.