न्युयॉर्क 

अमेरिकेतील ९/११च्या भीषण हल्ल्याला २५ वर्षे पूर्ण झाल्याच्या निमित्ताने सीआयएने (CIA) ओसामा बिन लादेन आणि अल-कायदाबाबतचे राष्ट्रपतींचे अनेक गोपनीय गुप्त माहिती अहवाल (Presidential Daily Briefs) सार्वजनिक केले आहेत. या कागदपत्रांमध्ये लादेनच्या हालचाली, त्याचे नेटवर्क आणि अमेरिकेवरील संभाव्य धोक्यांबाबत गुप्तचर अधिकाऱ्यांनी गोळा केलेल्या माहितीचा सविस्तर तपशील देण्यात आला आहे.

अपवादात्मक पारदर्शकता आणि ऐतिहासिक कागदपत्रे

सीआयएचे संचालक जॉन रॅटक्लिफ यांनी याला "अपवादात्मक पारदर्शकतेचे कृत्य" म्हटले असून, राष्ट्रपतींच्या गोपनीय दैनंदिन अहवालांची ही आतापर्यंतची सर्वात मोठी रिलीज असल्याचे सांगितले आहे. हे कागदपत्र फेब्रुवारी १९९८ मधील एका फाइपासून सुरू होतात, ज्यामध्ये लादेन आणि इतर इस्लामिक अतिरेक्यांचा उल्लेख आहे. तसेच १२ सप्टेंबर २००१ च्या अहवालात हल्ल्याची योजना दोन वर्षांपासून आखण्यात आल्याचे नमूद करण्यात आले आहे.

हल्ल्यापूर्वीच्या इशाऱ्यांची माहिती

एप्रिल १९९८ मधील एका दस्तऐवजात तालिबानचा लादेनला सोपवण्यास नकार देण्याचा उल्लेख आहे. जुलै १९९८ मधील अहवालात लादेन अमेरिकेत हल्ले करण्यास उच्च प्राधान्य देत असल्याचे म्हटले होते. सप्टेंबर १९९८ मध्ये लादेन अमेरिकेत विमानाद्वारे स्फोटके घडवून आणू शकतो, असा इशारा देण्यात आला होता. तसेच डिसेंबर १९९८ मध्ये विमान अपहरणाच्या संभाव्य प्रशिक्षणाबाबतही चर्चा झाली होती. ऑगस्ट २००१ मधील अहवालात न्यूयॉर्कमधील फेडरल इमारतींवर नजर ठेवण्यासारख्या संशयास्पद हालचालींची नोंद करण्यात आली होती.