भारत आणि अमेरिकेदरम्यान प्रस्तावित द्विपक्षीय व्यापार करारावरील (Bilateral Trade Pact) बहुतांश चर्चा पूर्ण झाली असून सध्या कराराची अंतिम जुळवाजुळव सुरू आहे, अशी महत्त्वाची माहिती केंद्रीय वाणिज्य आणि उद्योग मंत्री पियुष गोयल यांनी सोमवारी दिली.
भारत आणि अमेरिकेचा व्यापार करार
हॅग येथे एका अधिकृत दौऱ्यावर असलेल्या पियुष गोयल यांनी भारत-नेदरलँड्स व्यवसाय मंचाला संबोधित करताना ही माहिती दिली. गेल्या साडेचार वर्षांत भारताने नऊ मुक्त व्यापार करार (FTA) पूर्ण केले आहेत, असेही त्यांनी यावेळी नमूद केले.
टॅरिफ आणि पुढील वाटचाल
या वर्षी फेब्रुवारीमध्ये भारत आणि अमेरिकेने द्विपक्षीय व्यापार कराराच्या पहिल्या टप्प्यासाठी फ्रेमवर्क अंतिम झाल्याची घोषणा केली होती. तथापि, अमेरिकेतील टॅरिफ रचनेतील बदलांमुळे या करारावर पुन्हा वाटाघाटी सुरू झाल्या होत्या. सध्या दोन्ही देश या कराराला अंतिम रूप देत आहेत.
.jpeg)
