नवी दिल्ली 

संयुक्त राष्ट्र महासभेच्या (UNGA) उच्चस्तरीय सत्राच्या पार्श्वभूमीवर परराष्ट्र मंत्री एस. जयशंकर यांनी युक्रेनचे परराष्ट्र मंत्री आंद्री सिबिहा यांची भेट घेतली. न्यू यॉर्कमध्ये झालेल्या या द्विपक्षीय बैठकीत रशिया-युक्रेन संघर्षाच्या पार्श्वभूमीवर निर्माण झालेली परिस्थिती आणि शांततापूर्ण उपायांसाठी संवाद आणि कूटनीती (Dialogue and diplomacy) हाच एकमेव मार्ग असल्याचे भारताने पुन्हा एकदा स्पष्ट केले आहे.

जागतिक अन्न सुरक्षा आणि काळा समुद्र

या महिन्याच्या सुरुवातीला कीव्ह येथे झालेल्या भेटीनंतर जयशंकर आणि सिबिहा यांची ही दुसरी भेट आहे. परराष्ट्र मंत्रालयाचे प्रवक्ते रणधीर जयस्वाल यांनी साप्ताहिक ब्रीफिंग दरम्यान सांगितले की, भारत रशिया आणि युक्रेन या दोन्ही देशांच्या सतत संपर्कात असून, शांततेसाठी योगदान देण्यास भारत पूर्णपणे तयार आहे. पंतप्रधान नरेंद्र मोदी यांनी रशियाच्या राष्ट्राध्यक्षांना भेटताना अंतहीन युद्धे थांबवण्याची गरज असल्याचे म्हटले होते, याची आठवण जयस्वाल यांनी करून दिली.

बैठकीनंतर युक्रेनचे परराष्ट्र मंत्री आंद्री सिबिहा यांनी सोशल मीडियावर माहिती दिली की, त्यांनी काळा समुद्रातील परिस्थिती आणि त्याच्या बाजारपेठेवरील परिणामांवर चर्चा केली. जागतिक अन्न सुरक्षेसाठी नौकानयनाचे स्वातंत्र्य पुनर्संचयित करणे अत्यंत महत्त्वाचे असून, युक्रेन यामध्ये रचनात्मक भूमिका बजावण्यास तयार असल्याचे त्यांनी स्पष्ट केले.