रियाध 

सौदी अरेबियाची राजधानी रियाध येथील आंतरराष्ट्रीय विमानतळावर झालेल्या भीषण क्षेपणास्त्र हल्ल्यात १२ जण ठार झाले असून ३०० हून अधिक जण जखमी झाले आहेत. सौदी प्राधिकरणाने दिलेल्या माहितीनुसार, मृतांमध्ये चार सौदी नागरिकांसह विविध देशांच्या नागरिकांचा समावेश आहे. या हल्ल्यानंतर विमानतळावरील सर्व उड्डाणे आणि कामकाज तात्पुरते स्थगित करण्यात आले आहे.

हुथी बंडखोरांच्या हल्ल्यामुळे वाढला तणाव

सौदी अरेबियाच्या नेतृत्वाखालील युद्धाच्या पार्श्वभूमीवर येमेनमधील इराण-समर्थित हुथी बंडखोरांनी केलेल्या या हल्ल्यामुळे मध्यपूर्वेतील तणाव आणखी वाढला आहे. किंग खालिद आंतरराष्ट्रीय विमानतळावरील टर्मिनल ३ आणि ४ ला लक्ष्य करण्यात आले. या वाढत्या हल्ल्यांच्या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी सौदी अरेबियाच्या कारवाईत सहभागाबाबत मूल्यांकन करत असल्याचे म्हटले आहे.

विमान वाहतूक आणि आंतरराष्ट्रीय सुरक्षा

या हल्ल्यानंतर रियाध विमानतळावरील सर्व उड्डाणे मध्यरात्रीपर्यंत रद्द करण्यात आली असून अनेक विमानांचे मार्ग बदलण्यात आले आहेत. अमेरिका, ब्रिटन, जर्मनी, ऑस्ट्रेलिया आणि कॅनडासह अनेक देशांनी आपल्या नागरिकांना रियाध विमानतळापासून दूर राहण्याचा इशारा दिला आहे. सौदी अरेबिया क्षेपणास्त्र इंटरसेप्टर्सच्या कमतरतेचा सामना करत असून इतर देशांकडे हवाई रक्षण मदतीची मागणी करण्यात आली आहे.