हिंगोली :
महाराष्ट्रातील हिंगोली जिल्ह्यात शनिवारी सकाळी ३.३ तीव्रतेचा भूकंपाचा हलका धक्का जाणवला. जिल्हा आपत्ती व्यवस्थापन सेलने दिलेल्या माहितीनुसार, या भूकंपाची नोंद सकाळी ७ वाजून ४६ मिनिटांनी झाली असून, सुदैवाने कोणतीही जीवित वा वित्तहानी झाल्याचे वृत्त नाही.
या भूकंपाचा केंद्रबिंदू औंढा नागनाथ तालुक्यातील गढला परिसरात जमिनीखाली ७ किलोमीटर खोलीवर होता. भूकंपाचे धक्के जाणवताना परिसरात मोठा गडगडाटही ऐकू आला. प्रशासनाने नागरिकांना सतर्क राहण्याचे आवाहन केले असून, आपत्ती व्यवस्थापन यंत्रणा परिस्थितीवर लक्ष ठेवून आहे.
.jpeg)
