शिक्षणासाठी आर्थिक पाठबळ शोधणाऱ्या गरजू आणि गुणवान विद्यार्थ्यांसाठी महत्त्वाची बातमी आहे. नवी दिल्लीस्थित 'इंडिया इस्लामिक कल्चरल सेंटर'ने (IICC) यंदाच्या शैक्षणिक वर्षासाठी 'मेरिट-कम-मिन्स (MCM) स्कॉलरशिप स्कीम २०२६-२७'ची घोषणा केली आहे. शिक्षण सर्वांसाठी खुले आणि सामावेशक असावे, या उद्देशाने आयआयसीसीने हा उपक्रम हाती घेतला आहे. गुणवत्ताधारक विद्यार्थ्यांना शिक्षणात आर्थिक अडचण येऊ नये, हा या शिष्यवृत्तीचा मुख्य उद्देश आहे.
या शिष्यवृत्तीची अधिकृत घोषणा आयआयसीसीचे अध्यक्ष सलमान खुर्शीद यांच्या नेतृत्वाखालील विश्वस्त मंडळाने केली होती. ३० जून २०२५ रोजी झालेल्या बैठकीत या योजनेला मंजुरी देण्यात आली होती आणि त्यानंतर २०२५-२६ या शैक्षणिक वर्षापासून ही योजना सुरू करण्यात आली. आता पुढील शैक्षणिक वर्षासाठी (२०२६-२७) पात्र विद्यार्थ्यांकडून ऑनलाईन अर्ज मागवण्यात आले आहेत.
कोण करू शकतं अर्ज?
या शिष्यवृत्तीचा लाभ घेण्यासाठी काही महत्त्वाच्या अटी पूर्ण करणे आवश्यक आहे. आयआयसीसीने दिलेल्या माहितीनुसार, अर्जदार हा भारतीय नागरिक असावा. तसेच, तो भारतातील कोणत्याही मान्यताप्राप्त शिक्षण संस्थेत 'नियमित विद्यार्थी' (Regular Student) म्हणून शिक्षण घेत असावा.
सर्वात महत्त्वाची अट म्हणजे, विद्यार्थ्याने त्याच्या मागील पात्रता परीक्षेत (Last Qualifying Examination) किमान ६० टक्के गुण मिळवलेले असणे अनिवार्य आहे. ६० टक्क्यांपेक्षा कमी गुण असलेल्या विद्यार्थ्यांचे अर्ज ग्राह्य धरले जाणार नाहीत.
कोणत्या वर्गातील विद्यार्थ्यांना मिळेल लाभ?
आयआयसीसीने या शिष्यवृत्तीसाठी वेगवेगळ्या शैक्षणिक स्तरावरील विद्यार्थ्यांचा समावेश केला आहे.खालील वर्गांमध्ये किंवा अभ्यासक्रमांमध्ये शिक्षण घेत असलेले विद्यार्थी या शिष्यवृत्तीसाठी अर्ज करू शकतात:
अर्जाची अंतिम तारीख आणि पद्धत
या शिष्यवृत्तीसाठी अर्ज करण्याची प्रक्रिया पूर्णपणे ऑनलाईन आहे. पात्र विद्यार्थी https://iicc-mcm-scholarship.in/ या अधिकृत वेबसाईटवर जाऊन आपला अर्ज भरू शकतात. शिवाय, अधिसूचनेत दिलेल्या क्यूआर कोडला स्कॅन करूनही थेट अर्जाच्या लिंकवर पोहोचता येईल.
अर्ज भरण्याची शेवटची तारीख२५ नोव्हेंबर २०२६आहे. त्यामुळे गरजू विद्यार्थ्यांनी शेवटच्या तारखेची वाट न पाहता लवकरात लवकर अर्ज करणे हिताचे ठरेल.
हे लक्षात ठेवा!
अर्ज भरण्यापूर्वी सर्व पात्र उमेदवारांनी संस्थेच्या वेबसाईटवरील मार्गदर्शक तत्त्वे आणि नियम काळजीपूर्वक वाचून समजून घ्यावेत. विद्यार्थी शिष्यवृत्तीसाठी पात्र आहे की नाही आणि त्याला शिष्यवृत्ती द्यायची की नाही, याचा अंतिम निर्णय 'इंडिया इस्लामिक कल्चरल सेंटर'चाच राहील. अर्जासोबत नियम आणि अटी लागू राहतील, असे आयआयसीसीचे निमंत्रक डॉ. ख्वाजा एम. शाहीद यांनी स्पष्ट केले आहे.
ही शिष्यवृत्ती अनेक होतकरू विद्यार्थ्यांसाठी चांगला आधार ठरू शकते.त्यामुळे ही माहिती जास्तीत जास्त विद्यार्थ्यांपर्यंत पोहोचवा, जेणेकरून कोणत्याही गुणवान विद्यार्थ्याचे शिक्षण पैशांअभावी थांबणार नाही!
.jpeg)
