नवी दिल्ली
रशियाचे राष्ट्रपती व्लादिमीर पुतिन यांनी युक्रेन युद्ध संपवण्यासाठी पंतप्रधान नरेंद्र मोदी यांच्या भूमिकेचे आणि प्रयत्नांचे खुलेआम कौतुक केले आहे. मॉस्को येथे एका कार्यक्रमात बोलताना पुतिन यांनी म्हटले की, पंतप्रधान मोदींकडे या संघर्षावर तोडगा काढण्यासाठी अत्यंत चांगल्या आणि सकारात्मक कल्पना आहेत.
वल्डाई (Valdai) मंचावर आंतरराष्ट्रीय तज्ज्ञांशी संवाद साधताना पुतिन म्हणाले की, पंतप्रधान नरेंद्र मोदी यांच्याशी वैयक्तिक आणि मैत्रीपूर्ण संबंध असूनही ते सतत युक्रेनमधील संघर्ष संपवण्याचा मुद्दा उपस्थित करतात. मोदी तटस्थ भूमिकेतून यावर तोडगा काढण्यासाठी उत्सुक आहेत आणि त्यांच्याकडे परस्पर मान्य असलेल्या उपायांसाठी अनेक चांगल्या कल्पना आहेत, असे पुतिन यांनी स्पष्ट केले.
पंतप्रधान मोदींनी यापूर्वीच 'हे युद्धाचे युग नाही' असा संदेश देत संवाद आणि मुत्सद्देगिरी हाच एकमेव मार्ग असल्याचे वारंवार स्पष्ट केले आहे. गेल्या महिन्यात दिल्ली येथे झालेल्या ब्रिक्स परिषदेत आणि किर्गिझस्तानमधील बिश्केक येथे झालेल्या एससीओ परिषदेच्या बैठकीतही मोदींनी युद्धाचा अंत लवकरात लवकर व्हावा, अशी भूमिका मांडली होती.
.jpeg)
