देवास
पंतप्रधान नरेंद्र मोदी यांनी गुरुवारी व्हिडिओ कॉन्फरन्सिंगद्वारे 'सेवा संकल्प यात्रे'च्या सहभागाशी संवाद साधताना स्पष्ट केले की, कितीही राजकीय सत्ता मिळाली तरी भाजप कधीही सेवेच्या मार्गापासून दूर जाणार नाही. गुजरातपासून दिल्लीपर्यंत सेवा हेच आमच्या राजकारणाचे आणि मूल्यांचे मुख्य सूत्र असल्याचे त्यांनी नमूद केले.
गुजरातच्या वडनगरपासून उत्तर प्रदेशातील वाराणसीपर्यंत काढण्यात येत असलेल्या 'सेवा संकल्प यात्रे'त विविध राज्यांतील तरुण सहभागी झाले आहेत. पंतप्रधान मोदींच्या ७६ व्या वाढदिवसानिमित्त आणि त्यांच्या सार्वजनिक जीवनातील २५ वर्षे पूर्ण झाल्यानिमित्त यात्रेचे आयोजन करण्यात आले असून सध्या ही यात्रा मध्य प्रदेशातील देवास जिल्ह्यात पोहोचली आहे.
संवादादरम्यान बोलताना पंतप्रधान मोदी म्हणाले की, जेव्हा सेवेला प्रशासनाच्या केंद्रस्थानी ठेवले जाते, तेव्हा 'नागरिक देवो भव' ही भावना प्रत्येक धोरणाचा मुख्य भाग बनते. राजकारणात कितीही उच्च पदावर पोहोचलो आणि कितीही सत्ता मिळाली तरी आमचा मूळ मार्ग सेवाच राहील. या मार्गापासून आम्ही कधीही दूर जाणार नाही, असे त्यांनी स्पष्ट केले.
लोकांच्या आशीर्वादानेच आपले संपूर्ण जीवन चालले असून जनसेवा हाच सर्वोच्च धर्म ('सेवा परमो धर्मः') मानून आपण पुढे जात असल्याचे त्यांनी सांगितले. यावेळी एका सहभागीने झाबुआ जिल्ह्यातील एका गावाला पंतप्रधान मोदींच्या प्रेरणेने 'मोदी फालिया' असे नाव दिल्याची माहिती दिली.
.jpeg)
