नवी दिल्ली
दिल्लीत मुख्य निवडणूक आयुक्तांच्या राजीनाम्याच्या मागणीसाठी झालेल्या दोन दिवसीय आंदोलनादरम्यान लोकसभेतील विरोधी पक्षनेते राहुल गांधी, प्रियंका गांधी वाड्रा आणि इतर नेत्यांवर दिल्ली पोलिसांनी आतापर्यंत किमान चार गुन्हे (FIR) दाखल केले आहेत. सरकारी कर्मचाऱ्यांना कर्तव्य बजावण्यापासून रोखणे, हल्ला करणे आणि भारतीय नागरिक सुरक्षा संहितेच्या (BNSS) कलम १६३ चे उल्लंघन केल्याप्रकरणी हे गुन्हे नोंदवण्यात आले आहेत.
बुधवारी आकाशवाणी भवनमध्ये बळજબरीने प्रवेश केल्याप्रकरणी पोलिसांनी राहुल आणि प्रियंका यांच्याविरुद्ध एफआयआर नोंदवल्यानंतर दुसऱ्या दिवशी ही कारवाई समोर आली. 'मत चोरी'च्या आरोपावरून मुख्य निवडणूक आयुक्त ज्ञानेश कुमार यांच्या राजीनाम्याची मागणी करत जंतरमंतरकडे धरणे आंदोलनासाठी निघालेल्या आंदोलकांना पोलिसांनी रोखले होते.
बुधवारच्या निदर्शनादरम्यान अनेक खासदारांसह ९१ जणांना पोलिसांनी ताब्यात घेतले होते. या आंदोलनामुळे ल्युटियन्स दिल्लीत मोठा तणाव निर्माण झाला होता, ज्यानंतर पोलिसांनी ही कठोर कायदेशीर कारवाई केली आहे.
.jpeg)
