मुंबई

दिग्दर्शक विधु विनोद चोप्रा यांचा अनिल कपूर आणि मनिषा कोइराला यांच्या प्रमुख भूमिका असलेला बहुचर्चित '1942: A Love Story' हा चित्रपट पुन्हा एकदा मोठ्या पडद्यावर झळकण्यासाठी सज्ज झाला आहे. पीव्हीआर इनोक्स (PVR INOX) तर्फे या चित्रपटाची पुनर्रचित (Restored) आवृत्ती येत्या २१ ऑगस्ट रोजी चित्रपटगृहांमध्ये रिलीज केली जाणार आहे.

हा चित्रपट ८K रिझोल्यूशनमध्ये आणि रिमास्टर केलेल्या ५.१ सराउंड साउंडसह पुन्हा तयार करण्यात आला आहे. भारताच्या स्वातंत्र्यलढ्याच्या पार्श्वभूमीवर आधारित या चित्रपटात रोमान्स, आदर्शवाद आणि देशभक्तीचा सुंदर संगम पाहायला मिळतो. या चित्रपटाची पटकथा संजय लीला भन्साळी, शिवकुमार सुब्रमण्यम आणि विधु विनोद चोप्रा यांनी लिहिली असून संवाद कामना चंद्रा यांचे आहेत.

जागतिक स्तरावर दर्जेदार पुनर्रेखन

या चित्रपटाचे पुनर्रचना कार्य भारतातील प्रसाद लॅब्स आणि इटलीमधील अग्रगण्य फिल्म रेस्टोरेशन फॅसिलिटी 'एल'इमॅजिन रिट्रोवाटा' (L'Immagine Ritrovata) यांच्या सहकार्याने पूर्ण करण्यात आला आहे. यामुळे चित्रपटाची व्हिज्युअल भव्यता अधिक उजळून निघाली असून प्रेक्षकांना डॉल्बी ५.१ साऊंडचा उत्कृष्ट अनुभव घेता येणार आहे.

या चित्रपटाचे संगीतकार आर. डी. बर्मन यांना आदरांजली वाहण्यासाठी देखील हा पुनर्रिलायझ एक खास संधी ठरणार आहे. 'एक लडकी को देखा' आणि 'कुछ ना कहो' यांसारखी त्यांची अजरामर गाणी आजही प्रेक्षकांच्या पसंतीस उतरतात. प्रेक्षकांना आता हा चित्रपट त्याच्या मूळ सिनेमॅटिक स्वरूपात आणि भव्य रंगांमध्ये मोठ्या पडद्यावर पाहता येणार आहे.