वितेर्बो (इटली)

हिंदुस्तानची ११ साला रेसिंग वंडरगर्ल अतीका मीर हिने आपल्या अद्भुत टॅलेंटची आणि रफ्तारची पुन्हा एकदा संपूर्ण दुनियेला ओळख करून दिली आहे. इटलीतील विटर्बो येथे सुरू असलेल्या 'चॅम्पियन्स ऑफ द फ्युचर अकादमी प्रोग्राम'च्या (COTFA) तिसऱ्या राऊंडमध्ये अतीकाने फॉर्म्युला वन (F1) मधील दिग्गज 'मर्सिडीज'च्या दोन ज्युनियर ड्रायव्हर्सना मागे टाकत शानदार 'पोल पोझिशन' मिळवली आहे.

फॉर्म्युला १ अकादमीचा पाठिंबा मिळवणारी पहिली हिंदुस्तानी

'फॉर्म्युला १ अकादमी'चा पाठींबा मिळवणारी अतीका ही पहिलीच हिंदुस्तानी रेसर आहे. कितीतरी तांत्रिक आणि मुश्किल मानल्या जाणाऱ्या इटलीतील 'लेपर्ड सर्किट'वर कोणतीही पूर्व टेस्टिंग न करता तिने ही ताज्जुब करणारी कामगिरी केली आहे. अतीकाने इटलीचा निकोलो पेरिको आणि जर्मनीचा डेविन टिट्झ या मर्सिडीज F1 च्या प्रस्थापित ज्युनियर ड्रायव्हर्सना क्वालिफायिंगमध्ये शिकस्त दिली. विशेष म्हणजे, तिने या रेसमध्ये नवा रेकॉर्डही प्रस्थापित केला. तिच्या या रफ्तारची तिथे हाजिर सर्वांनीच तोंडभरून तारीफ केली. गेल्या महिन्यात ग्रीसमध्ये झालेल्या दुसऱ्या राऊंडमध्येही अतीकाने आपले वर्चस्व गाजवले होते.

इंजिनमधील खराबी अन् दुर्दैवी हादसा

पोल पोझिशन मिळवल्यानंतर अतीकाने 'हीट्स'मध्ये (Heats) अटीतटीच्या मुकाबल्यात दुसरा आणि तिसरा मुकाम पटकावला. पहिल्या दिवसाच्या फायनलमध्ये तिने दुसऱ्या मुकामावरून इब्तिदा केली आणि पहिल्याच लॅपमध्ये निकोलोला मागे टाकत आघाडी घेतली. पण बदकिस्मतीने इंजिनमध्ये खराबी (Misfire) झाल्यामुळे तिला ही आघाडी टिकवता आली नाही आणि तिला सहाव्या मुकामवर समाधान मानावे लागले.

दुसऱ्या दिवशीही इंजिनच्या मुश्किलीमुळे तिला मोठा फटका बसला आणि ती क्वालिफायिंगमध्ये २७ व्या मुकामवर फेकली गेली. आयोजकांनी तिचे इंजिन तत्काळ बदलले, पण तोपर्यंत मोठे नुकसान झाले होते. तरीही अतीकाने हार मानली नाही. तिने जोरदार मुसंडी मारत फायनलसाठी १८ वा मुकाम मिळवला. अंतिम रेसमध्ये अतीकाने वादळी इब्तिदा करत केवळ दीड लॅपमध्ये तब्बल नऊ कार्ट्सना (Karts) मागे टाकले होते. पण एका दुसऱ्या ड्रायव्हरने तिला चुकीच्या पद्धतीने धडक दिल्याने तिला बदकिस्मतीने रेसमधून बाहेर (DNF) पडावे लागले. या चुकीबद्दल त्या ड्रायव्हरला नंतर जुरिमानाही ठोठावण्यात आला.

हेही वाचा: अवघ्या ११ व्या वर्षी अतिका मीरने आंतरराष्ट्रीय रेसिंग ट्रॅकवर फडकवला तिरंगा!

"मोटरस्पोर्ट्स कधीकधी खूप बेरहम असू शकते"

या संपूर्ण थरारक हफ्त्याबद्दल बोलताना अतीका म्हणाली, "हा माझ्यासाठी संमिश्र हफ्ता होता. पण मी दुनियेतील सर्वोत्तम खेळाडूंसमोर माझी रफ्तार साबित करू शकले आणि त्यांना शिकस्त देऊ शकले. ट्रॅकवर असताना मला प्रचंड आत्मविश्वास वाटतो, पण या वेळी इंजिन आणि उपकरणांनी मला दगा दिला. आणखी काही पोडियम नक्कीच मिळवता आले असते. मोटरस्पोर्ट्स कधीकधी खूप बेरहम असू शकते, पण मी माझ्या कामगिरीवर खुश आहे आणि यापेक्षा जास्त मी काहीही करू शकले नसते."

 

 

 

 

View this post on Instagram

 

 

 

 

 

 

 

 

 

 

 

A post shared by Awaz The Voice Marathi (@awaztvmarathi)

हिंदुस्तानचे पहिले नॅशनल कार्टिंग चॅम्पियन आणि अतीकाचे वालिद आसिफ मीर यांनीही तिच्या लढवय्या जज्ब्याची तारीफ केली. "विटर्बोमध्ये अतीकाने एक नवा रेकॉर्ड बनवला, पण निकालावरून खरी तसवीर दिसत नाही. फायनलमधून बाहेर पडावे लागणे दर्दनाक होते, पण ती खंबीर मुलगी आहे आणि लवकरच ती पुन्हा दमदार वापसी करेल," असा यकीन त्यांनी व्यक्त केला.

आफतींना न घाबरता पुढे जाणारी ही चिमुकली रणरागिणी आता या महिन्याच्या अखेरीस स्वीडनमध्ये होणाऱ्या पुढच्या रेसमध्ये आपला जलवा दाखवण्यासाठी सज्ज झाली आहे!