चेन्नई 

इंडियन प्रीमियर लीग (IPL) मधील दिग्गज संघ असलेल्या चेन्नई सुपर किंग्सने (CSK) आगामी हंगामासाठी भारताचे माजी वेगवान गोलंदाज झहीर खान यांची संघाच्या मुख्य प्रशिक्षकपदी (Head Coach) नियुक्ती केली आहे. तब्बल १८ वर्षे संघाचे मुख्य प्रशिक्षकपद भूषवणारे स्टीफन फ्लेमिंग यांच्या जागेवर आता झहीर खान सूत्रे हाती घेणार आहेत.

चेन्नई सुपर किंग्सने सोशल मीडिया प्लॅटफॉर्म 'एक्स'वर पोस्ट करत याबाबतची अधिकृत घोषणा केली. झहीर खान यापूर्वी २०२४ च्या हंगामात लखनौ सुपर जायंट्सचे मार्गदर्शक (Mentor) म्हणून कार्यरत होते.

१८ वर्षांनंतर स्टीफन फ्लेमिंग यांची राजवट समाप्त

स्टीफन फ्लेमिंग यांनी गेल्या वर्षी जुलै महिन्यात पाच वेळच्या विजेत्या सीएसके फ्रँचायझीपासून वेगळे होत असल्याची घोषणा केली होती. सूत्रांच्या माहितीनुसार, सीएसकेची क्रिकेट व्यवस्थापन समिती, ज्यामध्ये एमएस धोनी, कर्णधार ऋतुराज गायकवाड आणि मालक रूपा गुरुनाथ यांचा समावेश आहे, या कालावधीत भारतीय प्रशिक्षकाची नियुक्ती करण्याचा विचार करत होती.

आगामी ४८ वर्षांचे होणारे झहीर खान यांनी भारतासाठी ९२ कसोटी सामने, २०० एकदिवसीय आणि १७ टी-२० सामने खेळले आहेत. २०११ च्या ऐतिहासिक विश्वचषक विजयात २१ बळी टिपत ते भारताचे सर्वाधिक गडी बाद करणारे गोलंदाज ठरले होते.