श्रीनगर 

लष्करप्रमुख (COAS) जनरल धिरज सेठ यांनी काश्मीर खोऱ्यातील प्रत्यक्ष नियंत्रण रेषेवरील (LoC) सैन्याच्या ऑपरेशनल तयारीचा आढावा घेतला. श्रीनगरस्थित चिनार कॉर्प्सच्या फॉरवर्ड एरियाला भेट देत त्यांनी सुरक्षेची सद्यस्थिती जवळून जाणून घेतली.

श्रीनगरस्थित चिनार कॉर्प्सच्या मुख्यालयाने सोशल मीडियाच्या माध्यमातून ही माहिती दिली आहे. लष्करप्रमुखांनी सैन्याच्या ऑपरेशनल क्षमता बळकट करण्यासाठी सुरू असलेल्या विविध उपक्रमांची पाहणी केली. या दौr्यादरम्यान त्यांनी जवानांच्या व्यावसायिकतेचे आणि समर्पणाचे कौतुक केले.

'विजय'च्या ५ तत्त्वांचा अंगीकार करण्याचे आवाहन

सर्व रँकच्या अधिकाऱ्यांशी संवाद साधताना लष्करप्रमुखांनी भविष्यातील आव्हानांचा सामना करण्यासाठी 'विजय' या ५ मार्गदर्शक तत्त्वांचा अंगीकार करण्याचे आवाहन केले. उद्देशपूर्वक नवनवीन शोध घेणे, परिस्थितीनुसार चपळतेने बदल करणे, संकल्पाने क्षमता निर्माण करणे आणि आव्हाने निर्माण होण्यापूर्वीच त्यांचा अंदाज बांधणे याद्वारे भारतीय दल भविष्यासाठी नेहमी तयार राहील, असा विश्वास त्यांनी व्यक्त केला.