नवी दिल्ली

संसदेच्या पावसाळी अधिवेशनातील सुरू असलेली कोंडी फोडण्यासाठी संसदीय कामकाज मंत्री किरेन रिजिजू यांनी बुधवारी लोकसभेतील विरोधी पक्षनेते राहुल गांधी यांची भेट घेतली. अधिवेशना $चा उरलेला काळ सुरळीत पार पाडण्यासाठी सहकार्य मागण्यासोबतच या बैठकीत महिला आरक्षण आणि सीमांकन विधेयकांवरही चर्चा झाल्याची माहिती सूत्रांनी दिली आहे. मात्र, या भेटीत काँग्रेस नेत्याकडून कोणतीही ठोस हमी मिळालेली नाही.

सुमारे ५० मिनिटे चाललेल्या या बैठकीदरम्यान काँग्रेस नेत्या प्रियंका गांधी वाड्रा, गौरव गोगोई आणि के. सी. वेणुगोपाल हे देखील उपस्थित होते. सूत्रांनुसार, नीट (NEET) पेपर लीक आंदोलनावरील हिंसाचाराबाबत गृहमंत्री अमित शाह यांनी निवेदन द्यावे आणि अयोध्येतील राम मंदिरातील दानफेरीच्या कथित चोरीवर चर्चा व्हावी, या मागण्यांवर विरोधी पक्ष आक्रमक असून त्याशिवाय कामकाज सुरळीत चालणे कठीण असल्याचे राहुल गांधी यांनी स्पष्ट केले.

विरोधी पक्षांचा आक्रमक पवित्रा कायम

पावसाळी अधिवेशन सुरू झाल्यापासून विरोधकांनी नीट पेपर लीक प्रकरण आणि इतर मुद्यांवरून दोन्ही सभागृहात गदारोळ घातला आहे. लोकसभेत प्रश्नोत्तर तास देखील पूर्ण होऊ शकलेला नाही. दरम्यान, संसदेतील हा गतिरोध संपवण्यासाठी सरकारकडून प्रयत्न सुरू असून किरेन रिजिजू इतर विरोधी पक्षांच्या नेत्यांचीही भेट घेणार आहेत.