नवी दिल्ली
भारतीय जनता पक्षाने (BJP) पक्षाचे अध्यक्ष नितीन नबीन यांच्या नेतृत्वाखाली आपली नवीन राष्ट्रीय कार्यकारिणी जाहीर केली आहे. सोमवारी जाहीर करण्यात आलेल्या या यादीत पक्षाने अनेक नवीन चेहऱ्यांना संधी दिली असून काही जुन्या नेत्यांवर मोठी जबाबदारी सोपवली आहे. राम माधव, लोकसभा खासदार डी. पुरंदेश्वरी आणि उत्तराखंडचे माजी मुख्यमंत्री तीरथ सिंह रावत यांच्यासह १३ जणांची राष्ट्रीय उपाध्यक्ष म्हणून नियुक्ती करण्यात आली आहे.
केंद्रीय मंत्री पियुष गोयल यांची पक्षाच्या राष्ट्रीय खजिनदारपदी वर्णी लागली आहे. याशिवाय, भाजपने बी. एल. संतोष यांना राष्ट्रीय संघटन सरचिटणीस पदावर कायम ठेवले असून, माजी केंद्रीय मंत्री स्मृती इराणी आणि त्रिपुराचे माजी मुख्यमंत्री विप्लव कुमार देव यांचा आठ राष्ट्रीय सरचिटणीसांच्या पक्षात समावेश केला आहे. विनोद तावडे आणि सुनील बन्सल हे दोघेच सरचिटणीस नव्या टीममध्ये कायम ठेवण्यात आले आहेत.
विविध राज्यांमधील १६ राष्ट्रीय सचिवांच्या टीममध्ये कविता पाटीदार, के. सुरेन्द्रन, संदीप पाठक आणि मनोज तिग्गा यांसारख्या नव्या चेहऱ्यांना स्थान देण्यात आले आहे. तसेच माजी राजस्थानातील मुख्यमंत्री वसुंधरा राजे सिंधिया, बैजयंत जय पांडा आणि रेखा वर्मा यांना राष्ट्रीय उपाध्यक्ष म्हणून कायम ठेवण्यात आले असून, पक्षाने आगामी निवडणुका आणि राजकीय रणनीती डोळ्यांसमोर ठेवून ही फेरबदल केल्याचे दिसत आहे.
.jpeg)
