नवी दिल्ली
बांगलादेशच्या माजी पंतप्रधान शेख हसीना यांनी डिसेंबर महिन्यात स्वदेशात परतण्याची ठाम घोषणा केली आहे. शिक्षेची किंवा तुरुंगवासाची भीती बाळगूनही देशात लोकशाही पुनर्स्थापित करण्यासाठी डिसेंबरमध्ये मायदेशी परतणार असल्याचे त्यांनी स्पष्ट केले. २०२४ मध्ये सत्ता गेल्यानंतर भारतात आश्रय घेतल्यानंतरची ही त्यांची पहिलीच सार्वजनिक मीडिया संवाद परिषद होती.
नवी दिल्लीतील फॉरेन करस्पॉन्डेंट्स क्लबमध्ये आयोजित व्हर्च्युअल पत्रकार परिषदेत बोलताना त्यांनी बांगलादेशच्या सध्याच्या राजकीय परिस्थितीवर चिंता व्यक्त केली. "मला तुरुंगात टाकले जाऊ शकते किंवा मारले जाऊ शकते, याची मला जाणीव आहे. पण माझ्या देशवासीयांच्या रक्षणासाठी मी स्वदेशात परतणार आहे," असे हसीना यांनी स्पष्ट केले. तसेच अवामी लीग पक्षावरील बंदी उठवण्याची आणि राजकीय कैद्यांची सुटका करण्याची मागणी त्यांनी केली.
शेख हसीना यांच्या या मीडिया संवाद पाहुण्यांवर बांगलादेश परराष्ट्र मंत्रालयाने तीव्र आक्षेप घेतला आहे. भारताने अशा प्रकारच्या संवादाला परवानगी दिल्याबद्दल ढाक्याने नाराजी व्यक्त केली असून, यामुळे द्विपक्षीय संबंधांवर परिणाम होऊ शकतो असे म्हटले आहे. तसेच २०२४ च्या खटल्यात दोषी ठरवलेल्या हसीना यांना प्रत्यार्पण करारांतर्गत परत पाठवण्याची मागणी बांगलादेशने पुन्हा एकदा केली आहे. दरम्यान, शेख हसीना यांनी भारताला बांगलादेशचा 'महान मित्र' संबोधत संकटकाळात भारताने नेहमीच साथ दिल्याचे सांगितले.
.jpeg)
